Nina Svensson Ylikaihnuun Taitehallissa

Aukasthaan kello 16:00 keskiviikkona 21 elokuuta: Emma Pettersson Juntti, tuottaja ja välittäjä Kin nykyaijan taitheen myseymmissä Kierunassa, selittää näyttelystä. Tämän jälkhiin hään juttelee kirjailijan Bengt Pohjasen kansa.

Näyttely oon osa Opservatuuriymmi: Taite ja elämä krittisessä piirissä Kin nykyaijan taitheen myseymmissä Kierunassa ja oon näkösellä 15:sta päihvään syyskuuta.
Nina Svenssonila oli residensioleskelu Haaparannassa ja Ylikaihnuussa 5 päivä helmikuuta/fepryaaria – 10 päivä maaliskuuta/marsia 2024.

Taiteilijan Nina Svenssonin näyttely kertoo ystävyyestä ja tietoitten vaihtamisesta ekspärtitten, amatööritten ja muitten välilä. Häntä oon innostannu se ystävyyspaikka-verkosto joka panthiin pysthöön toisen mailmansoan jälkhiin ja jonka tarkotus oli tukea paikkoja muissa maissa ja niitten kansa pittää jatkuvaa yhteyttä. Nina Svensson keskittyy projektissä siihen kunka ihmiset, jokka hään kohtaa, jakava keskenhään tietoa ja kertomuksia ja kunka het auttava toinen toista.

Ylikaihnuun taitehallissa hään näyttää kopian kivestä joka oon matkassa kirjailijan Bengt Pohjasen kirjoissa. Hään oon innostunnu ilmihöön mikä oon tavalista Taalanväylän pohjoispuolela ette kunnan piliuteekki/kirjasto oon saman katon alla ko taitehalli. Häntä kiinostaa kans se mitä pystyy luohmaan kirjoista jokka piliuteekit kaseeraava. Itte hään oon käyttäny tämmösiä kirjoja ko oon tehny paperimassaa ja siittä prässäny kauhniita paperiarkkia.

Nina Svensson (1968, Sollefteä/Timrå) oon taitheelisesti aktiivi Tukholmassa ja Torsåkereissa. Hään oon kans lektori Konstfackissa Tukholmassa.