Nina Svensson Badje-GáiIdnasa Dáiddalanjas

Rahpan dii. 16:00 gaskavahku borgemánu 21. beaivvi: Emma Pettersson Juntti, doaimmaheaddji ja gulahalli Kin dáládáidaga dávvirvuorkkás, rahpá čájáhusa. Dasto ságastallá dáiddár girječálliin Bengt Pohjanenain.

Čájáhus lea oassin Dárkistállansadji: dáidda ja eallin hearkkes zonas, Kin dáládáidaga dávvirvuorkkás, ja bistá gitta čakčamánu 15. beaivái. Nina Svenssonis lei resideansaorrun Badje-Gáidnasis ja Haparandas guovvamánu 5 b. – njukčamánu 10. b. 2024.

Dáiddára Nina Svenssona čájáhus Badje-Gáidnasa dáiddalanjas muitala ustitvuođas ja máhtu lonohallamis čehpiid, easkaálgiid ja iežáid gaskkas. Su inspirašuvdna boahtá ustitbáikkiid fierpmádagain, mat ásahuvvojedje maŋŋel nuppi máilmmisoađi, doalahan dihte jotkkolaš oktavuođaid. Prošeavttas Nina Svensson deattuha eareliiggánit got olbmot, geaiguin son gávnnada, juogadit máhtu ja muitalusaid ja got olbmot veahkehit guhtet guimmiideaset.

Badje-Gáidnasa dáiddalanjas son earet eará vuoseha geađgebácci, mii lea dahkkon geađggi maŋis Duortnoseatnogáttis, man birra sáhttá lohkat Bengt Pohjanena girjjiin. Son lea beroštuvvan gieldda girjevuorkkáid ja dáiddalanjaid ovttasteami fenomenas, juoga mii lea dábálaš Dalälvena davvelis, ja das maid sáhttá dahkat daid girjjiiguin, maid girjevuorkkát bálkestit. Son lea ieš geavahan muhtin oasi dain bábermássá dahkamii, maid son lea deaddán čáppa báberárkan.

Nina Svensson (1968, Sollefteå/Timrå) lea dáiddár gii bargá Stockholmmas ja Torsåkeris. Son maiddái bargá adjunktan skulptuvrras Konstfackas Stockholmmas.