Framtid Sápmi 1: Unelma vihreästä intystriistä

Lauantaina 26 oktuuperia/lokakuuta kello 14:00

Drömmen om den gröna industrin/ Unelma vihreästä intystriistä osa 1. Arne Müller, kirjailia ja friilans-šurnalisti Uumajassa pittää luenon. Vastaaja: Rickard Eriksson, prufessori ekonoomisessa jeokrafiissa Uumajan yniversiteetilä.

Pohjois-Ruottissa tapahtuu valtavia intystrii-satsauksia. Yhteensä 1 400 miljartia kruunua oon tarkotus investeerata Norrbottenissa ja Västerbottenissa. Oon rekkailtu ette tarvithaan vielä 100 000 uutta asukasta näihin kahtheen läähniin kymmenen vuen sisäle niin ette työpaikat täyttysit. Nämät satsaukset oon tuohneet toivetta, mutta niitten matkassa seuraa kans riskiä ja prubleemia. Kerithäänkös rakentaa asuntoja ja lisätä yhteiskunnassa sörvistä samassa vauhtissa ko intystriit rakenethaan? Kunkas suuria riskiä kunnat joutuva othaan? Tulleekos koko alue tästä hyöthyyn eli kasuavatko aluheeliset erot? Kukas saapi olla päättämässä suunasta ko paljon tapahtuu samala aikaa?

Arne Műller oon šurnalisti ja kirjailija, joka assuu Uumajassa. Hään oon ollu retaktööri SVT:n paikalisile uutisille Västerbottenissa. Ensimäisessä kirjassa ”Smutsiga miljarder – den svenska gruvboomens baksida” (Likasia miljartia – ruottalaisen kruuvapuumin takapuoli” hään syynäsi miljööprubleemia ruottin kruuvapranšissa. Tämän jälkhiin hään oon kirjottannu kuus uutta kirjaa. Viimeks, kirjassa ”Norrsken – drömmen om den gröna industrin”, hään syynäsi isoja intystriisatsauksia pohjoisessa Ruottissa joila oon yhteys vihrehään siirtymhään.

2017 hään sano irti ittensä SVT;n työstä niin ette pysty täysaikasesti tutkhiin niitä kysymyksiä joita hään pittää erikoisen tärkeännä – klimaatinmuutos, luononvarat ja aluheeliset erot.

Rikard Eriksson, ekonoomisen jeokrafiian professori johtaa tutkimusta laitokseksessa Centrum för regionvetenskap (Cerum), joka toimii eri puolila Ruottia. Hään oon ennen kakkia tutkinu töitten jeokrafiiaa ja sitä mikä tekkee ette syntyy alueitten välilä eroja työlisyyessä ja hyvinvoinissa. Tällä hetkelä hään johtaa seittemän vuotta kestävää tutkimusohjelmaa, jonka Riksbankens jubileumsfond rahottaa ja jossa syynäthään sosiaalisia ja ekonoomisia seurauksia isoista ”vihreistä investeteeringistä Pohjois-Ruottissa”.