Pistä Saamelaiset nimen ensin—Sitten ruottalaiset

Tähitten jalanjäljissä – Brita Marakatt-Labban proteratut mailmat

Teoksitten kautta, niinku Varekset/Kråkorna/Garjját, Lentävät noijat/Flygande shamaner/Girdi noaiđđit ja Historjá, Britta Marakatt-Labba oon proteeraamalla nostanu näköselle ja tehny tunnetuksi niin saamelaisen histuurian ko nykyaijan aina vain isomalle pypliikile. ”Tähitten jalanjäljissä – Britta Marakatt-Labban proteratur mailmat” oon hänen ensimäinen iso retruspektiivi niin Sáphmissa ko Ruottissa.
Puoli vuosisattaa Britta Marakatt-Labba, joka oon syntyny Idivuomassa ja assuu Yli-Sopperossa, oon ollu yksi Sáphmin intresantiimistä taiteilijoista. Neulan ja langan avula hään oon luonut vilisevän selityksen miljöötaistelusta ja arjesta, mytolokiista ja unelmista, saamelaisten näkökulmasta. Kävijät tuleva esimerkiksi kohtaahmaan sen 24 metriä pitkän proteriin, Historjá (2004-2007), jonka KORO tilasi Tromsan yniversiteethiin ja joka sai kansanvälisen pypliikin documenta 14 Kasselissa 2014. Teoksessa oon myötä niin histuurialisia tapahtumia, ko lyyrisiä luononkuvauksia ja maakisia hetkiä. Yks uusiimista teoksista, Jälkiä/Spår/Luođđat, kertoa mineraalitten jahtaamisen ja tuulimyllyitten rakentamisen riskistä. Myllyt estävä poroitten vaeluksen ja vaikututtava elähmään taiteilijan koko kotiseuvula.
Osana näyttelyä Kin järjestää luento/föörelääsninkisarjan missä puhuthaan niistä asioista mistä Britta Marakatt-Labba oon tehny taitetta, muun muassa maankäytöstä, raaka-aihneitten ulosottosta ja klimaattimuutoksen seurauksistat poronhoijole. Myseymmi nostaa kans näköselle niitä taiteilijan teoksia mitä löytää permanäntisti Norrbottenissa, esimerkiksi Jällivaarassa ja Jokimukassa.