Britta Marakatt-Labba čájeha dáidagis Kin dáládáidaga dávvirvuorkkás čakčat 2024

Britta Marakatt-Labba čájeha dáidagis Kin dáládáidaga dávvirvuorkkás čakčat 2024
23.10—16.03 2025
Nuppát, goalmmát ja njealját láhttegearddis
Násttiid olis: Britta Marakatt-Labba sákkalduvvon máilmmit
Čájáhus mii geahčasta ruovttoluotta

Britta Marakatt-Labba lea njulgestaga sággan sámi historjjá dáidagisttis ja dan sáhttá earret eará oaidnit Garjját, Girdi noaiddit ja Historjá dáidagiin. ”Násttiid olis – Britta Marakatt-Labba sákkalduvvon máilmmit” lea su vuosttas stuora čájáhus Ruoŧas mii geahčesta ruovttoluotta áiggis.

Goasii 50 jagi lea Britta Marakatt-Labba, guhte lea riegádan Ađevuomis Girona gielddas ja dál orru Badje Sohpparis, leamašan okta dain eanemus miellagiddevaš dáiddárin Sámis. Náluin ja árppuin lea son hábmen rikkes ja poehtalaš muitalusa sámiid dáistaleami kultuvrra ja eatnamiid dihte, sámi geahččanguovllu vuođul. Geažos áiggi lea Britta Marakatt-Labba rievdadan oainnumet guovddáža ja perferiija birra, mii lea dehálaš ja man ovdii galgá bargat, sihke sutnje olmmožin ja dáiddarin muhto maid obalaččat dáidagis.

Čájáhusas leat lagabui 80 dáidaga mat leat dahkkon maŋimus 50 jagi. 24 mehter guhkkosaš dovddus dáidda Historjá (2004-2007), mii álggorájes lei diŋgojuvvon Romssa universitehta várás ja mii geasuhii olu gehččiid Documenta 14 čájáhusa oktavuođas Kasselis 2017, gullá maid čájáhussii. Britta Marakatt-Labba lea ožžon olu fuomášumi maŋŋá go riikkaidgaskasaččat šattai dovddusin Dokumenta 14 oktavuođas ja go oassálasttii Venedigbiennale váldočájáhusas 2022. Su dáidagat gávdnojit dál máŋggaid dáiddaásahusain.

Čájáhusa olis lágiduvvojit maid logaldallamat ja ságastallamat main vuolggasadji leat fáttát ja jearaldagat mat gávdnojit Britta Marakatt-Labba dáidagis, earret eará got boazodoallu váikkuhuvvo dálkkádatrievdademiin ja bieggamillopárkkain ja maid ruvkeindustriija čuozahus sámi eallimii.

Čájáhus lea vuolggahuvvon Nationáladávvirvuorkkás Oslos, gos čájehuvvoi giđđat ja geasset 2024, ja čađahuvvoi ovttas Kin dáládáidaga dávvirvuorkkáin ja Ođđaáigásaš dávvirvuorkkáin Stockholmmas. Kina čájáhus lea rievdaduvvon veršuvdna mas lea namma ”Násttiid olis: Britta Marakatt-Labba sákkalduvvon máilmmit”

Govva: Lodderáidaras