Katarina Spik Skum ja Kin dáládáidaga dávvirvuorká Tjállegoahte Sámi Čálliidguovddáza luhtte girje- ja girjerájusmeassuin Göteborgas

Čohkahanseahkat sisttis, bumboldiŋggat sámi minstariin, muorrabeavddit, main eami oaksesajit leat seailluhuvvon, ja rákkas – dán sámi molssaeavttu ruovttuhábmemii besset galledeaddjit vásihit dán jagáš Girje- ja Girjevuorkámeassus Göteborgas. Dáid lea duojár Katarina Spik Skum duddjon. Stuoluid ja stuora bevddiid leat luoikan Röhsska museet, mii ii leat dievvasit guokte gilomehtera eret meassus, juoga mii čuovvu sámi vieruid ođđasit geavahit ávdnasiid ja ovttasbargat. Ovttas dat iešguđetge oasit dagahit liekkus birrasa, gos fal lea sadji čohkkehit ja ságastallat, báikkis, mii lea dán rádjái dat stuorimus kulturáŋgiruššan olggobealde Sámi.

Go Sápmi loktejuvvo ovdán okta dán jagáš meassu fáttain, de lea Tjállegoahte Sámi čálliidguovddáš, mas lea ovddasvástádus čájáhusas. Sii leat bovden máŋggaid sámi lágádusaid, organisašuvnnaid ja ásahusaid veahkkin buvttadit dán njealji beaivásaš prográmma. Kin dálááiggi dávvirvuorká Gironis lea okta bovdejuvvon oassálastiin ja dávvirvuorká fas lea bovden Katarina Spik Skum hábmet lanja. Meassu maŋŋá sirdojuvvojit su duojit Gironii ja šaddet oassin Kin čoakkáldagas doppe – duojit galget ovdamearkka dihke geavahuvvot dávvirvuorkká Dáiddavearstás.

Stuora čehppodagain ja čalmmiin ávdnasiidda Spik Skum ráhkada dujiid, maiguin sáhttá eallit, ja dávjá ovttas iežá sámi duojáriiguin ja dáiddáriiguin. Go son lokte duoji ođđa báikkiide son ovttasta dáidaga ja duoji, mii leat vuolgán julevsámi guovllus. Son viežžá inspirašuvnna eallimis goađis, eatnis veagain mánnávuođa gesiid, seammás go suovvá dálááigge ávdnasiid ja hámiid maiddái báidnit su barggu. Son orru Johkamohkis ja sus lea mastereksámen duojis, Sámi allaskuvllas Guovdageainnus. 2010-logu rájis son lea searvan máŋgga čájáhusas earet iežá Johkamohkis, Árjjátluovis, Julevus, Kárášjogas, Båddådjos, Stockholmmas ja Torontos. Su duojit leat oassin máŋga almmolaš dáiddačoakkáldagas.

Ovttas arkiteavttain ja dáiddáriin Joar Nango, iežas prošeavttain Girjegumpi, mobiila ja álo rievddadeaddji girjevuorká, sámi arkitektuvrra ja kultuvrra birra, Katarina Spik Skum oassálasttii arkitekturbiennalas Venedigis 2023. Son lea maiddái leamaš mielde Sápmi Salasta – eamiálbmotresideanssas Lusspies. Son lea gudnejahttojuvvon Sámi Duoji bargostipeanddain Asa Kitoka muitun, ja Gannevikstipeanddain hábmema suorggis.

Dii. 14:30 – 14:50 duorastaga čakčamánu 26 beaivvi ságastallá Katarina Spik Skum iežas dáidaga birra Maria Lindain, Kin dálááigge dávvirvuorkkás hoavda. Tjállegoahte čájáhusbáikkis.

Čuovvovaš áiggiid son ovdanbuktá čájáhusastis: dii. 19.00 duorastat čakčamánu 26. b, dii 12:00 ja 17:00 bearjadat čakčamánu 27. b., dii 12.00 ja 15.00 lávvordat čakčamánu 28. b. ja dii. 13:00 bassi čakčamánu 29. b.