Čáppat ja vuogas: Jon Tomas Utsi duodji

Guovvamánu 15 beaivvis gitta miessemánu 26 beaivái 2024.
Jon Tomas Utsi lea duojár ja lea bargan garradujiin golbmalogi jagi. Dáppe leat niibbit, gárit, skáhput, giissát, nállogoađit ja sálkorat. Visot gullojit sámiid eallimii Sámis. Go dávjá leat jođašan sajis sadjái leat duojit geahppasat ja váldet unna sajáža. Utsi dego iežá nai duojárat dovdá duoji álggorájis lohppii, ávnnasteamis ja duddjomis gitta geavaheami rádjái. Utsi bargá sihke boazodoalus ja duddjo, juste dego su áhčči ja áddjá. Duodji oktan sámegielain nanne oktavuođa sohkabuolvvaid gaskkas ja lea deaŧalaš sámi eallinvuohkái. Dujiid birra leat dieđut juo 1500-logus rájis ja dujiid hápmi lea bisson sullasažžan otnážii. Muhto lihkká máhttá duojár dego Utsi hábmet dujiid iežas ládje. Visot manná ovddidit muhto álo fal árbevieruid vuođul, duoji iešvuođaid jelgii. Bargovuohki oktan ávdnasiin ja girjjiiguin addet dasa lassin guovllu sierra málle.
Vuosehus lea oassi dávvirvuorkká máŋggaid jahkásaš fáttás Giehta, váibmu ja vuoiŋŋamaččat mii sisttisdoallá got otná dáiddárat geavahit dološ duodjedieđuid ja rievdadit daid dálá ja boahtteáiggi geavaheapmái.