Ruuhoa jaloitten alla – Kajsa Zetterquist keskipistheessä

Ruuhoa jaloitten alla – Kajsa Zetterquist keskipistheessä esittää kymmenkunta 89-ikäsen ja tiettömässä maassa Pohjois-Norjan Saltfjelletissä asuvan maalarin teosta. Se oon nuin yks teos jokhaisele vuosikymmenelle siittä lähtien ko hään alko Konstakademienhiin Tukholmassa, ja sen jälkhiin saama seurata hänen ekspresiiviä muotokieltä informellissä koulussa aina 2020-luvun herkhiin piirustukshiin. Teoksen lisäksi näyttely kertoo hänen aivan erikoisesta elämästä tunturilla taiteilijapuolisonsa Per Adden (1924-2020) kansa.

Taiteilija Ingela Johansson oon aivan vastitusti näyttelhyyn tehny viiteoporträtin Zetterquististä joka nostaa näköselle eri aspektia tämän työstä, niin taistelusta miljöön ja saamelaisten oikeuksitten puolesta ko työstä saa pysthöön infrastryktyyrin nykyaijan taitheele Pohjois-

Norjassa. Hänen merkitystä työssä saa pysthöön taitekoulun Kablevågissa, Nordnorsk kunstmuseum ja Konstaakademien Tromsassa, ei saata liiotella. Kaks verestä taiteilijan ja kirjalijan Ilmira Bolotjan ja curatorin Olga Sjirokostupin tekstiä, selittävä siittä ystävyyestä joka synty Zetterquistin/Adden ja neuvostoliittolaisen maalarin Jurij Resjkinin välilä ja kunka rajaton solidariteetti oon leimanu heän elämää ja työtä. Tekstit esitethään aivan omassa julkaisussa.

Zetterquistin maalaamista leimaa innostus maalaamisen erikoishiin ilmaisumaholisuukshiin: Kolorit, linjat, volyymi ja vuorovaikutus pinnan ja syvvyyen välilä, oon kaikki tärkeitä aspektia maalauksissa. Näitten avula alleviivathaan arvoa taitheela saa aikhaan sisäisen vaikutuksen. Kattojan silmälä, kunka se vaeltaa kuvan eri osissa, oon keskeinen merkitys. Vuona 1957, opiskeluitten jäkhiin Konstfackskolassa ja Signe Barthin privaatissa maalauskoulussa, Zetterquist pääsi Konstakademienhiin, missä hään eri professoritten, niinku Ragnar Sandbergin, Lennart Rohden, Bror Hjortin ja Bror Marklundin avula kehitti ommaa ittenäistä taiteelisuutta ja henkilökohtasta tyyliä. 1960-luvun lopulta saakka maalaukset oon syntynheet ateljeessä Saltfjelletissä, mikä makkaa pohjosen levveysastheitten maakisen valon ja suggestiivisen pimmeyen sylissä.

Näyttely oon osa Kvinnor i norr (Vaimot pohjosessa), yks Kinin kolmesta temaattisesta langasta joka johtaa sisäle ja ulos myseymmin toiminthaan monen vuen aikana.

Näyttely oon tehty yhteistyössä Adde Zetterquist kunstgallerin kansa.

Bild 1: Kajsa Zetterquist. Felicias dans 2005-2006
Bild 2: Ingela Johansson, stillbild ur De lugna stegen bakom
Bild 3: Ingela Johansson, stillbild ur De lugna stegen bakom