Rássi julggiid vuolde - Kajsa Zetterquist guovddážis

Rássi julggiid vuolde - Kajsa Zetterquist guovddážis ovdanbuktá logenáre dáidaga maid njuhtten lea dat 89-jahkásaš njuhttejeaddji, guhte 1967 rájes lea orron geainnohis báikkis Sáltoduoddaris Norggas. Lea sullii okta dáidda juohke logat jagis 1950-logu rájes go son álggii Stockholmma Konstakademienii, ja dan maŋŋel sáhttit čuovvut su ealaskas hábmengiela go lei eahpeformála oahpus gitta 2020-logu hearkkes sárgumiidda. Lassin dáidagiidda čalmmustahttá čájáhus su erenoamáš eallima duoddaris dáiddárisidiinnis Per Addiin (1924–2020).

Dáiddár Ingela Johansson lea vásedin čájáhussii ráhkadan videoportreahta Zetterquistas, mii lokte iešguđet beliid su barggus, earet eará movt lea gižžudan birrasa ja sámi vuoigatvuođaid ovddas, ja vai dagaše dáládáidagii infrastruktuvrra Davvi-Norgii – su bijuid ásahit dáiddaskuvlla Gávvalváhkái, Davvi Norgga Dáiddamusea Romsii ja dáiddaakademiija seamma gávpogii ii galgga vajálduhttit. Dáiddára ja čálli Ilmira Bolotjana ja kuráhtora Olga Sjirokostupa goappáge easka čállojuvvon čállosis boahtá ovdan Zetterquista ja Adde ustitvuođa sovjehtalaš njuhttejeddjiin Jurij Resjkiniin, ja man rájeheames solidaritehta lea čađat leamaš sudno eallimis ja barggus. Čállosat ovdanbuktojuvvojit sierra publikašuvdnan.

Zetterquista njuohtama mihtilmasvuohta lea su beroštupmi njuohtama dihto __: Ivdnen, linját, mearit ja erohusat gaskkal coagi ja čiekŋalasa leat visot dehálaš bealit njuohtamis. Oktiibuot deattuhit dat vuoiŋŋalaš vásáhusa árvvu. Geahčastat, dan johtin gova iešguđet osiid gaskkas, das lea guovddáš mearkkašupmi. Jagis 1957, maŋŋel oahpu Konstfackskolanis ja priváhta Signe Bartha njuohtanskuvllas, beasai Zetterquist Konstakademienii, gos son gárggiidii iešheanalaš dáiddárdoaimma mas lei mihtilmas ja persovnnalaš hápmi, láidestemiin maid oaččui professoriin nugo Ragnar Sandbergas, Lennart Rodhes, Bror Hjortas ja Bror Marklundas. 1960-logu loahpa rájes leat njuohtamat hábmejuvvon bargobáikkistis Sáltoduoddaris, gos davvimáilmmi sierralunddot čuovga ja váikkuheaddji seavdnjadas birasta.

Čájáhus lea oassin Kvinnor i norr suorggis, mii lea okta Kin golmma fáddásurggiin mat máŋggaid jagiid johtet olggos sisa musea doaimmas.

Čájáhus lágiduvvo ovttas Adde Zetterquista dáiddagalleriijain.

Bild 1: Kajsa Zetterquist. Felicias dans 2005-2006
Bild 2: Ingela Johansson, stillbild ur De lugna stegen bakom
Bild 3: Ingela Johansson, stillbild ur De lugna stegen bakom