Reisaava mantteli

Mantteli tehty höyheinstä oon keskelä kaikki tässä näyttelyssä. Tekijä oon taiteilija ja aktivisti Gliceriá Tupinambá, hänen perhe ja ystävät. Mantteli oon osa projektia jossa tutkithaan niitä manttelia mitä Brasilian Bahian Tupinambán alkuperäiskansa oon luonu ja kantanu iät ja ajat.

Jäljelä oon 11 tunnettua ja tokymenteerattua vanhaa manttelia ja kaikki kuuluva eri myseymhiin Euroopassa. Sillä aikaa ko neuvotelthiin niitten viemisestä takasi Brasilihaan Gliceriá Tupinambá kysy Tupinambá-kansalta, joka vielä ellää Pindoramassa (joka oon yksi monesta kotimaisesta nimestä Brasiliasta), jos saattas lua uusia manttelia. Ja niin taiteilija ja hänen avustajat opit tämän vanhan hantvärkin uuelheen. Tehthiin verkkoja pumpulifiiperistä ja palmunlehistä, jokka kastethiin hunajassa ja sitten peitethiin höyhenillä. Uuet manttelit oon nyt tärkeitä keinoja ottaa takasi histoorian ja tratišuunit.

Näyttely oon yhteistyö Casa do Povon kansa São Paulossa.