Johtti luhkka

Luhkka ráhkaduvvon dolggiin čalmmustahttit dán čájáhusas. Dan lea dáiddár ja aktivista Glicéria Tupinambá ráhkadan ovttas bearrašiinnis ja ustibiiguin, bargovugiin maid buoremusat čilge čiekŋudeapmin iežaset luhkaid historjái. Luhkat maid sii, Tupinambá-álbmot Bahias Brasilas, leat duddjon doloža rájes.

Goitge leat dušše aktanuppelohkái historjjálaš luhka gávdnon ja dokumenterejuvvon, ja dat gullet museaide Eurohpás. Šiehtadaladettiin máhcahit luhkaid Eurohpás jearai Glicéria Tupinambá; manin bat Tupinambát geat ain elle Pindoramas (mii lea okta dain eamiálbmotnamain mat čilgejit guovllu maid dál gohčodit Brasilan) eai dušše sáhttán duddjot ođđa luhkaid? Danin lea Glicéria Tupinambá ovttas bargoustibiiddisguin duddjon ođđa luhkaid, historjjálaš duddjonvugiiguin, suoggagiin bombolsárrasis ja honnegis bunjoduvvon pálbmalasttaiguin maid leat gokčan dolggiiguin. Dát ođđa luhkat leat šaddan dehálaš reaidun historjjá ja árbevieruid máhcaheamis.

Čájáhus lea ovttasbargu Casa do Povoin São Paulos.