Tekstiila magiijas gos Doris Wiklund, Kristina Pasjkova, Maja Fredin ja Matilda Kenttä

Guovvamánu 15 beaivvis gitta miessemánu 26 beaivái 2024

Tekstiila magiijas gos Doris Wiklund, Kristina Pasjkova, Maja Fredin ja Matilda Kenttä leat mielde soabadit njeallje ollát sierralágan dáiddárat geas lea seammá áŋggaštus – tekstiila tekstiilaávdnasat ja bargovuogit. Sis leat eareliiggánis beroštupmi gođđimii ja sii leat hirbmat čeahpit duddjot ja fápmu lea sin áŋgirvuohta. Dán mii lea mágihkalaš tekstiillain lea go lea čuvvon gávdnon olbmuid luhtte goitge golbmalogivihtta duhát jagi - ja lea ain seammá lunddolaš oassi min eallimis. Tekstiila manná heivet ja fievrridit, lea juoga maid dárbbaša ja mainna herve. Juste nuppe ládje go geavahit-ja-gurastit jurdda maid tekstiilaindustriija lea dahkan bargagohtet eanet ja eanet nuorra dáiddárat dál ovdamearkka dihte diŋgga gođđimiin. Árvu lassána gieđa ádjás ja geardduhan bargui, mas ávnnasmáhtu ja bargovuogi goansttat leat deaŧalaččat.

Jurdda vuosehussii lea vuolgán 93-jahkásaš Gironlačča Doris Wiklund eallimis ja su barggus dego duojárin, gođđinoahpaheaddjin ja tekstiila dološdieđuid čállin. Golbmalogi su govvagođđosiin, beavdeliinniin, ránuin ja láseliinniin maid lea dahkan 1950-logu rájis otnážii vuosehuvvojit oktan dáidagiiguin golbma nuorra dáiddáriin geat sihke gođđet ja barget iežá tekstiilla vugiin. Beassá vuosehusas nai oahpástuvvat njeallje girjjiide maid Wiklund lea čállán Nuorra dáiddáriid dáidagat ságastallet tekstiilaárbbiin maid Wiklund nu áŋgirit berošta. Ovdamearkka dihte lea Matilda Kenttä vuolggasadji Wiklund girji Det gamla linneskåpet: Från tuskaft till damst (Boares diŋgaskábe: tuskaftas damstii) go son vuosehuslanjas dađe mielde gođđá girjji čuohtiguoktelogiguhtta sárgojuvvon minstariid. Seammás go Maja Fredina tekstiila bázzi Frutti di merda golbmalogiin giehtagorron räkaiguin ja golmmain skávlliiguin mat leat dáhkkeflevttas gitta láitá badjelmearálaš servodaga de Kristina Pasjkova lea dahkan vihtta liehkus gođđojuvvon beaivvegirjji. Áigumušaid haga šaddagohte covid19-pandemiija garra giddemiid geažil delle go visot čoahkkimat ja árgabeaivvidáhpáhusat ožžo sierra mearkkašumi ja guđđe mearkkaid gođđosiida.

Vuosehus lea oassi dávvirvuorkká máŋggaid jahkásaš fáttás Giehta, váibmu ja vuoiŋŋamaččat mii sisttisdoallá got otná dáiddárat geavahit dološ duodjedieđuid ja rievdadit daid dálá ja boahtteáiggi geavaheapmái.