Tenskasven (IKEApayback): Bernd Krauß ollesgovas

Dán «retro-spektiivvas» geahčada dáiddár Bernd Krauß iežas golbma logi jagi dáiddalaš doaimma, mas guoktelogi leat leamašan Ruoŧas. Dáiddabáji ráhppás čalmmustahttojuvvo viesu siskkoš: Movt háhká alcces sierra lanja ja orruma doaibmasis ja doaimmainis? Movt váikkuha stáđisvuohta eallima ja dáiddahábmema? Ja vejolaččat buot deháleamos: movt sáhttá čanastat gaskal dáidaga, funkšuvnna ja orrunbáikki šaddat bovdehussan gehččiide čohkkedit vásihit dáidaga mii lea mávssolaš ja guoská sidjiide?

Goalmmát gearddis joatká dát soames lágan geahččaladdanguovlun hábmenprosessii: “rávagirji” mas leat birrasiid vihttalogi Kraußa ovdal dahkan dáidaga leat doppe ja gehččiide addojuvvo vejolašvuohta ođđasit ráhkadit muhtima dain. Ovdamearkka dihte: viežžat hivssetbáhpira nurkke duohken, hábmet moni tapehtaklisteriin jade bidjat 6, 10 dahje 12 dakkára monnekartoŋŋii. Válmmas—oalle johtilit šattai dat “Bernd Kraußa monnin”. Muhto, maid hal dainna galgá?

Čájáhusa oktavuođas Kin:s lea dáiddáris, guhte lea riegádan 1968:s Nürnbergas, sihke resideansaorrun museas ja son jođiha dáiddabáji dálvelobis. Dáiddabádji šaddá Kiruna Konstakademia joatkkan, maid son álggahii Kin beassášbájis 2024:s. Son bargá ollu vugiiguin—njuhttemiin, bácciiguin, installašuvnnaiguin, govvejuvvon govaiguin ja ollu iežá—ja hábme diliid čájáhuslanjain ja iežá sajiin mat dađistaga šaddet, dego stoahkalas intervenšuvnnat.

Kraußa barggut guovdilastet oaidnemeahttun ja vuorddekeahtes oktavuođaid maid son áinnas čalmmustahttá ovttas sihke skuvlamánáiguin ja nuoraiguin. Vuogi sáhttá buoremusat čilget detektiivabargun ja iežálágán mátkin. Čájáhusa namma čujuha ovdamearkka dihte sihke Svenskt Tennii, viessogálvogávpái Stockhoalmmas mii čadno giehtaduodjái ja olbmuide geain lea máhkaš buorre čalbmi viessohábmemii, ja maiddái IKEA viessogálvvuide maid lea álki háhkat. Su hutkás daga-ieš-teknihkat buktet dávjá ođđa vugiid oaidnit birrasa, sihke unnit sosiála oktavuođain ja servodagas obbalaččat.

Čájáhus lea oassin Kin Giehta, váibmu ja jierbmi nammasaš máŋggaid jagi temáhtalaš bálgás.