Soltavlan—Matts Leiderstam, prins Eugena áltárgovva ja Girona girku sirdin

Go Girona girku sirdojuvvo báikkistis váre nalde ođđa ruktui borgemánus 2025:s, de dan maiddái čuovvu dovddus áltárgovva man prinsa Eugen lea njuohtan. Dán čájáhusas lea dáiddár Matts Leiderstam čiekŋudan gova vuolggahistorjái, erenoamážit lea son beroštuvvan prinssa álgosárgumiin ja ideabarggus. Njuohtamiin ja su guhkesáigásaš beroštumi bokte eanadaga govvideapmái, guorahallá son mo čuovga, erenoamážit beaivváža čuovga, hábme áltárgova.

Čájáhus Soltavlan čatná oktii Leiderstama dutkama iežá dutkamušaiguin áltártávvala birra, ja ovdanbuktojuvvo sihke teavsttas, njuohtamis ja installašuvnnas, ja maiddái das mo dávvirat leat biddjojuvvon čájáhusa čájáhusskábiide. Soltavlan dáidagis leat vihtta oasi mat visot govvidit iešguđet beliid áltárgovas, muhto maiddái daid ollu vugiid mo Leiderstam dan lahkona. Dasa lassin vuosehuvvojit maid dáidagat Girona gieldda čoakkáldagaid dáiddáriin, geat ledje prinssa lagas oahppásat ja geat govvidedje Girongávpoga vuosttaš jagiid. Čájáhus lea dahkkon ovttasbarggus Prinsa Eugena Waldemarsuddiin, gos dat čájehuvvo 2025–2026 dálvvi.

Ruoŧa arkiteaktajagi 2001 almmolaš jienasteamis nammaduvvui Girona girku “Buot áiggiid buoremus visti, huksejuvvon ovdal 1950”. Girku lea Gustaf Wickman sárgon, gii galgá leat ožžon inspirašuvnna sihke norgga skielttargirkuin ja sámi gođiin. Dat gárvánii 1912:s, ja dalle lei maid Prinsa Eugena áltárgovva sajis. Dál, veahá badjel čuođi jagi maŋŋel, galgá girku sirdojuvvot luoddanemiid geažil maid LKAB ruvkedoaimmat dagahit ja mat dagahit ahte stuora osiin boares gávpotguovddážis ii sáhte orrut.

Eahpedábálaš áltárgovva, mas ii leat ruossa eaige biibbala figuvrrat, čuovvu sirdima danne go dat lea liibmejuvvon girkui ja dan ii leat vejolaš oažžut luovos. Njuohtama guovddážis lea čuovggain birastuvvon lastamuorravuovddáš giettis. Lea jaskes lulliguovllu eanadat guhkkin eret Girona duottarmáilmmis. Dáppe lea luonddus siellu ja dat guoddá vuoiŋŋalašvuođa. Soaitá dás maiddái vuohttit boahtteáiggi Gironeanadaga, maid prinsa dáhpedorpmis lea lihkostuvvan govvidit, eanadat mii ii dušše rievdaduvvo vuolábealde ruvkedoaimmain, muhto masa sáhttá šaddat áibbas iežá flora dálkkádatrievdama geažil.

Bild 1, 3, 4: Matts Leiderstam, målningar ur serien Soltavlan
Foto: Matts Leiderstam
Bild 2: Skiss prins Eugens altartavla och Matts Leiderstam, målning