Mázejuavku—The Sami Artist Group. Susanne Hætta logaldallá

Mázejoavku—Sámi dáiddajoavku. Susanne Hætta logaldallá

1978:s gávcci nuorra sámi artistta ásahedje Mázejoavkku—Sámi dáiddajoavkku. Sii ledje sámiid, davviriikkaid eamiálbmoga, vuosttas oahppan dáiddárat. Sii dovde garra dárbbu ”máhccat ruoktot” maŋŋel oahpuid gárvvisteami, ”ruoktu” lei Davvi-Sámi guovlu, gos sis ledje ruohttasat. Sii ráhkadedje kollektiivva, mas ledje bargobájit, sámi gilážis Mázes. Áiggis go diđolašvuohta ja vuosttildeapmi assimilašuvdnapolitihka ja vealaheami hárrái lassánii, ovttas iešmearrideami ja eananrivttiid riidduiguin, lei Mázejoavkku dáidagis dehálaš rolla sihke sámi servvodahkii, ja eanetloguálbmoga ipmárdussii sámi rahčamušaide, ja maiddái iežá eamiálbmogiidda, go sii oidne sámi álbmoga vuosttildanheakka. Vihtta doaibmi jagis, Mázejoavku sakka váikkuhii dáiddamáilbmái, seammás go dan lahtuin maiddái ledje dehálaš doaimmat sámi dáiddaorganisašuvnna hábmemis.

Susanne Hættta (r. 1975) lea sámi čálli, kurator, govvejeaddji ja dáiddár. Son orru Čáhcesullos, Norgga bealde Sámi. Su girjjiid váldofáddá lea sámi dáiddárat ja sámi servvodat. Dáiddárin lea Hætta gulahallan govvema, gráfalaš deaddima ja installašuvnnaid bokte, mat dávjá speadjalastet su identitehta, mii lea čadnon su eatnamiidda ja vehkii. Dáiddadállu lahttun, mii lea sámi dáiddafierpmádat Guovdageainnus, son ovddastuvvui Sámi Dáiddaguovddážis Kárášjogas, Dáiddadálu 10 jagi ávvudeami čájáhusas. Hætta girji riikkaidgaskasaččat duođaštuvvon dáiddáriid Mari Boine ja Synnøve Persena birra, buvttii fuomášumi su govvemii ja čállimii. 2020:s son almmuhii girjji Mázejoavkku birra, 1970-logu loahpas ja 1980-logu álggus. Su boahttevaš guokte girjji leat Finnmárkkuopmodaga birra (2026) ja Norgga sávdnekultuvrra birra (2025).

Foto: Vidar Knai, 1970