Opservatuuriymmi: Taitetta ja elämää kriittisessä piirissä

15 fepryaaria/helmikuuta – 15 septämperiä/syyskuuta 2024

Matkassa: Alexander Ravskyj, Alexandra Ravskaja, Alma Heikkilä, Anastasia Bogomolova, Anastasya Kizilova, Anna Senno, Apolonija Šušteršič, Bernd Krauß, Carin Ellberg, Erik Sjödin, Fernando García-Dory, Fredrik Prost, Ilmira Bolotjan & Olga Sjirokostup, Inga-Wiktoria Påve, Ingela Ihrman, Ivan Novikov, Joar Nango & Ken Are Bongo, Katarina Pirak Sikku, Kirill Agafonov & Natalja Peredvigina, Kultivator, Mats Adelman & Ylva Westerlund, Nina Svensson, Pia Rönicke, Tjudia Zjeni, Åsa Sonjasdotter

Opservatuuriymmi: taitetta ja elämää kriittisessä piirissä kertoo ihmisitten, elläimitten, kasvitten ja luononresyrsitten keskenäisistä välistä. Matkassa oon 28 taiteelijan uusia ja vanhoita teoksia, jokka eri tavala koskeva aspektia meän palaneetin ”kriittistä piiriä”. Tämä sanonta keksithiin 2000-luvun alussa nimeksi sille moninaisele, pintaa lehelä olevalle miljööle, jolla meinathaan sitä kompleksiä vuorovaikutusta maaperän, maan, veen ja elävitten orkanismitten välilä. Sen matkassa ko klimaattikriisi kiihtyy niin jeolookit, hytrolookit, mikrupiulookit ja muut tutkijat oon luopumassa luonon ja kulttuurin erottelusta. Sen siihaan oon kehitetty malli selittää yhteyksistä ja yhteiselosta kriittisessä piirissä.

Näyttelyssä oon niin öljylintuja ko vastustuskykysiä pottusorttia, pohjoisen maisemia ja mikrualueita, saevettä ja vaihtoehtoyhteiskuntia Franskan maaseuvula, pommitussuojahuohneita Odessassa ko fanttasii-elläimiä merenrannoila. Taiteilijat oon maalanheet, piirtänheet, tehneet viiteoita, veistoksia ja performancia, pitänheet työpajoja, viljelheet ja kertonheet monela muula mallila.

Näyttely oon osa myseymmin pitkäaikhaista teemaa Kriittinen piiri, jossa käsitelhään klimaattikriisiä ja keskenäistä vuorovaikutusta "kriittisen piirin" sisälä.