Eallinlanjat—Katarina Spik Skuma installašuvdna

Čohkahanseahkat sisttis, bumboldiŋggat sámi minstariin, muorrabeavddit, main eami oaksesajit leat seailluhuvvon, ja rákkas – dán sámi molssaeavttu ruovttuhábmemii besset galledeaddjit vásihit installašuvnnas Kin:s. Daid lea duojár ja dáiddár Katarina Spik Skum duddjon. Installašuvdna joatká Kin dáiddabádjái ja ovttas dahket dat iešguđetge oasit liekkus birrasa, gos lea buorre sadji čohkkedit, ságastallat ja hábmet.

Čehppodagain ja čalmmiin ávdnasiidda ráhkada Spik Skum dujiid maiguin sáhttá eallit, ja dávjá ovttas iežá sámi duojáriiguin ja dáiddáriiguin. Go son lokte duoji ođđa báikkiide son ovttasta dáidaga ja duoji, mii leat vuolgán julevsámi guovllus. Son viežžá inspirašuvnna eallimis goađis, eatnis veagain mánnávuođa gesiid, seammás go suovvá dálááigge ávdnasiid ja hámiid maiddái báidnit su barggu. Son orru Johkamohkis ja sus lea mastereksámen duojis, Sámi allaskuvllas Guovdageainnus. 2010-logu rájis lea son leamaš searvvis ollu čájáhusain earet iežá Johkamohkis, Árjjátluovis, Julevus, Kárášjogas, Bådådjos, Stockholmmas ja Torontos. Su duojit leat oassin máŋga almmolaš dáiddačoakkáldagas. Buvttut Dáiddabájis leat ovdal oidnon Girje- ja girjevuorkámeassuin Göteborgas, gos Tjállegoahte sámi čálliidguovddáš ovddastii fáttás Sápmi 2024.

Bild: Matta, Katarina Spik Skum