Duodji ja bistevašvuohta: Gunvor Guttorm logaldallá

Duodji ja bistevašvuohta. Gunvor Guttorm logaldallá

Sáhkavuorustis ságastallá Gunvor Guttorm, professor duojis,
Sámi allaskuvllas, Guovdageainnus, duoji birra bistevašvuođa geahččanguovllus. Ollu duoji sáhttá oaidnit kultuvrralaččat ja ekonomalaččat bistevažžan, ja muhtin ovttaskas duojáriidda dat buktá bistevaš eallinlági. Muhto got sáhttá oaidnit duoji dan
nu gohčoduvvon ruoná nuppástusa olis? Mainna duojárat rahčet dán dilis? Maid sáhttá duodji ja duddjon buktit ruoná nuppástusas?

Gunvor Guttorm lea professor duojis, Sámi allaskuvllas. Son lea riegádan ja bajásšaddan Kárášjogas ja orru Johkamohkis. Nuorravuođa rájis lea son beroštan bistevašvuođajearaldagain, vaikko dalle gohčoduvvui dat iežá ládje. Son lea čállán máŋga artihkkala duoji birra, ja dan birra, maid duddjon mearkkaša sámi oktavuođain, ja got dat lea oassin olbmuid beaivválaš eallimis ja váikkuha sin buresveadjimii.