Specialvisning med renskötaren och journalisten Anna-Karin Niia

Boazovázzi ja journalista Anna-Karin Niia ofelastá čájáhusas Leaš dál fasti vai čáppat: Johan Turi, Outi Pieski ja Johanna Minde boazosámi geahččanguovllus.

Anna-Karin Niia lea boazosápmelaš ja lea nai guhká bargan journalistan. Son lea bargan Sámerádios ja SVT Sápmis, ja lei álggu rájes mielde SVT Ođđasat nammasaš sámi ođasprográmmas. Son lea earet eará gozihan sámepolitihka, Sámedikki, boazoealáhusa ja gažaldagaid guoskevaččat sámi kultuvrii ja identitehtii.

Ii dárbbaš ovdagihtii dieđihit. Gávnnadeapmi lea Kin ruoná vuostáiváldima luhtte gávpotviesu boađáhagas.